ដំណើការ Windows នៅលើ Netbook

Windows 8 គឺជាជំនាន់ចុងក្រោយនៃប្រព័ន្ធប្រតិបតិ្តការ operating system មួយដែលត្រូវបានបង្កើតឡើងដោយក្រុមហ៊ុន Microsoft ហើយ បានដាក់ឲ្យប្រើប្រាស់នៅថ្ងៃទី ២៦ ខែ តុលា ឆ្នាំ ២០១២ កន្លងទៅថ្មីៗនេះ។ ពីមួយជំនាន់ទៅមួយជំនាន់បាន ធ្វើឲ្យមានភាពកាន់តែប្រសើរឡើង ក៏ប៉ុន្តែគួរឲ្យសោកស្ដាយដោយសារប្រព័ន្ធប្រតិបតិ្តការនេះតម្រូវការ នូវ screen resolution តូចបំផុត1024×768 ដោយម៉ាស៊ីនកុំព្យូទ័រដែលជាប្រភេទ Netbook មាន screen resolution ត្រឹមតែ 1024×600 ឬតូចជាងនេះ នោះលោកអ្នកដំណើការ Windows 8 លោកអ្នកនឹងទទួលបាននូវ Message Dialog បង្ហាញថា This app cannot open ដូច្នេះវាជាហេតុធ្វើឲ្យ Windows 8 ពុំអាចប្រើប្រាស់បាន។ ប៉ុន្តែមិនថ្វីទេ ជាមួយនឹងសហការីនៃទស្សនាវដ្ដីទីក្រុងពត៌មានវិទ្យាសូមពាំនាំនូវវិធី សាស្ត្រ និងដំណោះស្រាយដើម្បីបង្ហាញ ជូនប្រិយមិត្តដែលនិយមគាំទ្រដូចខាងក្រោម៖
ជាទូទៅចំពោះ Netbook ភាគច្រើនតែងតែប្រើក្រាហ្វិកប្រភេទ Intel ដែលក្រាហ្វិកប្រភេទនេះអនុញ្ញាតឲ្យលោកអ្នកអាចធ្វើការកែប្រែ ឬប្ដូរទំហំ Resolution នៅក្នុង Windows ដែលត្រូវបានផ្តល់ឲ្យដោយ downscale driver សម្រាប់កំណត់នូវ Screen Resolution របស់ Netbooks លោកអ្នក។ សូមបញ្ជាក់ថាបន្ទាប់ពីលោកអ្នកកែនូវ Resolution ហើយ នោះយើងអាចដំណើការ Windows 8 នៅលើ Netbook បានក៏ប៉ុន្តែវាមានលក្ខណៈព្រាលៗមិនច្បាស់ ជាពិសេសនៅលើ desktop តែម្ដង។ ប្រសិនបើលោកអ្នកចង់មើលវីដេអូ និង លេងហ្គេមនោះវាមិនអាចទៅរួចឡើយ ព្រោះវាត្រូវការ Hard Ware ខ្ពស់ជាងនេះ។
របៀបអនុវត្តន៍៖
ដំបូងលោកអ្នកសូមចុចលើ Star + R > regedit > Enter ឬ Star > regedit > Enter ដូចរូបខាងក្រោម៖

បន្ទាប់មក សូមចូលទៅកាន់ File display1_downscalingsupported ដោយចុចលើ Ctrl+F រួចសរសេរពាក្យនៅក្នុងប្រអប់ស្វែងរកថា display1_downscalingsupported ហើយចុច Find Next។

សូម ចុច Double-click នៅលើ display1_downscalingsupported ដើម្បីកែប្រែតម្លៃ Value ។ ករណីដែលលោកអ្នកស្វែងរក display1_downscalingsupported មិនឃើញទេនោះលោកអ្នកត្រូវដំឡើង graphics-driver តែម្ដងទើបអាចប្រើបាន។

សូម ចុច F3 ដើម្បីធ្វើការស្វែងរកម្ដងទៀតក្នុងការផ្លាស់ប្ដូរតម្លៃ Value នៃ Display1_DownScalingSupported ស្មើរ ។ការធ្វើរបៀបនេះ ព្រោះចង់ផ្ទៀងផ្ទាត់ថា តើតម្លៃដែលយើងបានកែប្រែនៅពេលដែលយើងចុច Double Click នៅលើ Display1_DownScalingSupported ពឹតជាស្មើរ១ ដែរឬអត់។

ក្រោយពី បានប្ដូរតម្លៃ Value ស្មើរ ១ លោកអ្នកត្រូវធ្វើការ Restart នូវកុំព្យូទ័ររបស់លោកអ្នក រួចចូលទៅកែ Screen Resolution ដោយចុច Start + R > desk.cpl > ok ដូចរូប៖

ជា ចុងក្រោយសូមចូលទៅកំណត់ទំហំ Resolution 1024 x 768 រួចចុចប៊ូតុង Ok ជាការស្រេច ក្នុងការអនុញ្ញាតឲ្យ Windows 8 អាចដំណើការនៅលើ Netbook បាន។

ប្រសិនបើ ប្រិយមិត្តមានបំណងចង់ធ្វើការ Reset នូវអ្វីដែលលោកអ្នកបានធ្វើការកែប្រែឲ្យត្រឡប់ទៅសភាពដើមវិញ លោកអ្នកអាចចូលទៅកាន់safe mode រួចធ្វើការផ្លាស់ប្ដូរបាន៕